Presidenti i SHBA-së, Donald Trump, deklaroi se ditët e presidentit të Venezuelës, Nikolas Maduro, janë të numëruara.
Trump iu përgjigj pyetjeve në emisionin “60 Minutes” të CBS.
Kur u pyet nëse SHBA-ja do të shkonte në luftë me Venezuelën, Trump tha: “Dyshoj, nuk mendoj kështu. Por, ata po na trajtojnë shumë keq, jo vetëm me drogën, por me qindra mijëra njerëz që u liruan për në vendin tonë nga burgjet dhe institucionet e tyre të shëndetit mendor”.
Trump anashkaloi pyetjen: “Nëse problemi me Venezuelën është droga apo largimi i Maduros,” por kur u pyet: “A janë ditët e numëruara të Maduros?”, ai u përgjigj: “Po, do të thoja kështu”.
Lidhur me faktin nëse SHBA-ja do të niste sulm ushtarak në territorin e Venezuelës, Trump tha: “Pavarësisht nëse kjo është e vërtetë apo jo, nuk jam i prirur t’ua them këtë. Nuk do t’ua thoja gazetarëve këtë”.
Leave a Reply