Sekretari amerikan i Transportit, Sean Duffy, njoftoi se do të urdhërojë ulje me 10% të fluturimeve në 40 aeroportet kryesore të Shteteve të Bashkuara, për shkak të shqetësimeve mbi sigurinë e trafikut ajror, ndërsa mbyllja e qeverisë federale ka hyrë në ditën e saj të 36-të – më e gjata në historinë e vendit.
Plani i ri, që hyn në fuqi brenda pak ditësh, detyron linjat ajrore të bëjnë shkurtime të menjëhershme në oraret e tyre.
Pasagjerët kanë mbingarkuar linjat e ndihmës së kompanive me ankesa dhe pasiguri për udhëtimet në ditët e ardhshme, raporton Reuters.
Sipas Administratës Federale të Aviacionit (FAA), uljet do të nisin me 4%, do të rriten në 5% të shtunën, 6% të dielën dhe do të arrijnë 10% javën e ardhshme.
Fluturimet ndërkombëtare do të përjashtohen nga masat.
Leave a Reply