Kryetari i Bashkisë së Tiranës, Erion Veliaj, reagoi për herë të parë pas vendimit të Gjykatës Kushtetuese për lënien e tij në detyrë, duke nēnvizuar se, “ky nuk është një vendim për një njeri, por për demokracinë shqiptare, për votën e lirë dhe për çdo qytetar që beson se pushteti buron nga populli dhe i përket atij”.
“Gjykata Kushtetuese rivendosi jo thjesht një mandat, por dinjitetin e ligjit dhe besimin se shteti ka ende busull. E drejta mund të vonojë, por nuk harron”, tha Veliaj.
Ai falenderoi çdo qytetar të Tiranës që “besoi, që priti dhe që nuk u dorëzua”.
“Unë do të bëj çdo gjë që është në dorën time, që puna të vijojë, dhe do të kërkoj pa u ndalur që të mos pengohem në ushtrimin e mandatit që më keni besuar. Tirana nuk ndalet”, tha Veliaj.
Leave a Reply