Tim Davie ka dhënë dorëheqjen si drejtor i përgjithshëm i #BBC-së dhe Deborah Turness është larguar nga detyra e drejtueses së Redaksisë së Lajmeve, pas kritikave lidhur me një dokumentar ku pasqyrohej një fjalim i Presidentit amerikan, Donald J. Trump.
Tim Davie e drejtonte gjigandin mediatik britanik prej 5 vjetësh.
Programi #Panorama editoi dy pjesë të fjalimit të #Trump, duke i bashkuar ato dhe duke e shfaqur Presidentin amerikan si nxitës direkt i trazirave në Kapitol Hill në janar 2021. Të dy pjesët e fjalimit shfaqeshin në dokumentar të bashkuara, ndonëse ishin thënë nga Trump në një distancë prej 50 minutash nga njëra-tjetra gjatë fjalimit në Uashington, ku kundërshtohej rezultati i zgjedhjeve presidenciale të vitit 2020.
Leave a Reply