Kievi, shqetësim për të dyshuarin e arrestuar për sabotim të “Nord Stream”

Komisioneri ukrainas i të drejtave të njeriut, Dmytro Lubinets ka shprehur shqetësim në lidhje me një shtetas ukrainas i cili është arrestuar në Itali dhe akuzohet për shpërthimin e tubacioneve të gazsjellësit “Nord Stream” nga Rusia në Gjermani në Detin Baltik.

“Bashkëshortja e 49-vjeçarit raportoi se bashkëshorti i saj po vazhdonte grevën e urisë dhe tani ishte në një gjendje kritike shëndetësore”, tha Lubinets në Telegram.

Ai gjithashtu publikoi një foto nga takimi i tij me bashkëshorten e të dyshuarit dhe deklaroi se u kishte kërkuar zyrtarisht autoriteteve italiane të mbështesnin të drejtat themelore të shtetasit ukrainas.

I dyshuari i cili do të ekstradohet në Gjermani për një gjykim penal, po proteston kundër kushteve të paraburgimit me grevën e tij të urisë, sipas avokatit të tij. Ai thuhet se ka refuzuar ushqimin që nga 31 tetori.

Ai ka qenë në paraburgim në Itali që nga gushti.