Disa dronë janë vërejtur sërish mbi infrastrukturën kritike në Belgjikë, këtë herë mbi një central bërthamor pranë Antverpit. Sipas agjencisë belge të lajmeve “Belga”, kompania operuese “Engi2” bëri të ditur sot se ”prania e dronëve nuk pati asnjë ndikim në funksionimin e centralit bërthamor të ‘Doel”.
”Në total janë vërejtur tre dronë, ndërsa policia ka refuzuar të komentojë mbi incidentin”, raportoi “Belga”.
Më herët, sipas raportimeve të tjera, dronë janë parë edhe mbi aeroportin e Liezhit, duke detyruar pezullimin e trafikut ajror për gati një orë në mbrëmje.
Këto janë vetëm rastet më të fundit në një seri incidentesh me dronë në Belgjikë, përfshirë edhe bazën ushtarake belge në Kleine-Brogel, një objekt që përdoret edhe nga NATO.
Sipas raportimeve të pakonfirmuara, kjo bazë mendohet se strehon armë bërthamore amerikane.
Edhe javën e kaluar, trafiku ajror në aeroportet e Brukselit dhe Liezhit u pezullua përkohësisht për shkak të pranisë se dronëve të vërejtur në zonë.
Leave a Reply