Dy pllakata bronzi me mbishkrimin “Departamenti i Luftës” janë vendosur në dy hyrjet e godinës së Pentagonit në Uashington DC, duke hequr pas 70 vjetësh emrin “Departamenti i Mbrojtjes” nga ndërtesa ikonike e kryeqytetit amerikan
.
Sekretari amerikan i Luftës, Pete Hegseth, ka qenë vetë i angazhuar në montimin e pllakatës në “Hyrjen nga lumi”, që ndodhet përballë Lumit Potomak dhe shërben për pritjet ceremoniale të homologëve, delegacioneve të larta dhe vizitorëve të veçantë.
Një pllakatë e re është vendosur edhe në “Hyrjen nga qendra tregtare”, që ndodhet përballë Qendrës Tregtare Kombëtare në Uashington dhe përdoret për të shfrytëzuar pistën e helikopterit për zhvendosjen e drejtuesve të lartë të Pentagonit.
Presidenti #Trump vendosi ndryshimin e emrit të Departamentit të Mbrojtjes në Departamenti i Luftës, duke rikthyer emrin e mbajtur për më shumë se 150 vjet, gjatë periudhës 1789-1947.
Leave a Reply