Ukraina po punon për të rifilluar shkëmbimin e të burgosurve me Rusinë, duke shpresuar për lirimin e 1.200 ukrainasve, thanë presidenti ukrainas, Volodimir Zelenski, dhe shefi i Këshillit të Sigurisë së tij.
“Ne … po llogarisim në rifillimin e shkëmbimeve”, tha Zelenski në një video të postuar të dielën në aplikacionin e mesazheve Telegram. “Shumë takime, negociata dhe telefonata tani i janë kushtuar kësaj”.
Shefi i tij i sigurisë, Rustem Umerov, tha se ai kishte zhvilluar konsultime në Turqi dhe Emiratet e Bashkuara Arabe, me mbështetjen e partnerëve të Kievit, për të rifilluar procesin e shkëmbimeve.
“Si rezultat i këtyre negociatave, palët ranë dakord të rikthehen te marrëveshjet e Stambollit”, tha ai. “Kjo ka të bëjë me lirimin e 1.200 ukrainasve”, tha Umerov në një deklaratë në Telegram.
Nuk pati menjëherë asnjë koment nga Moska për deklaratat e Ukrainës.
Leave a Reply