Ish-presidenti i Ukrainës, Petro Poroshenko, kërkoi dorëheqjen e gjithë kabinetit qeveritar për shkak të skandalit të korrupsionit, që po trondit vendin në një kohë kur ai po përballet me pushtimin rus, dhe krijimin e një qeverie të re patriotike të unitetit kombëtar. “I gjithë kabineti i korruptuar dhe të gjithë anëtarët e tij duhet të japin dorëheqjen”, tha Poroshanko në një video-deklaratë.
Ai e quajti dorëheqjen e dy ministrave një farsë, duke theksuar se emrat e pesë përfaqësuesve qeveritarë shfaqen në biseda të regjistruara të lidhura me skandalin.
Poroshenko, miliarder dhe president i vendit nga viti 2014 deri në 2019, bëri thirrje për krijimin e një qeverie të re patriotike të unitetit kombëtar, të përbërë nga ekspertë dhe që do të bashkonte të gjitha forcat politike të vendit.
“Duhet rikthyer besimi i shoqërisë ukrainase në qeveri dhe të parandalohet destabilizimi politik”, tha ai.
Partia e Poroshenkos, ”European Solidarity” dhe fraksion pro perëndimor i partisë ”Holos” kanë së bashku vetëm 45 vende në parlamentin prej 450 anëtarësh.
Një mocion mosbesimi kërkon të paktën 226 vota.
Në javët e fundit, autoritetet ukrainase kanë publikuar regjistrime bisedash të lidhura me korrupsionin në ”Energoatom”, kompania shtetërore e energjisë bërthamore.
Humbjet deri tani vlerësohen rreth 100 milionë dollarë.
Ministri i Drejtësisë German Galushchenko dhe ministrja e Energjisë Svitlana Hrynchuk kanë paraqitur dorëheqjet e tyre.
Leave a Reply