Një numër faqesh interneti, përfshirë platformën e mediave sociale X, kanë ndaluar së funksionuari për shkak të një problemi teknik në “Cloudflare”, sipas “Independent”. Vizitorët e faqeve të internetit si X, i njohur më parë si Twitter, dhe faqja e rishikimit të filmave “Letterboxd” panë një mesazh gabimi (Error) që tregonte se problemet e “Cloudflare” nënkuptonin që faqja nuk mund të shfaqej.
“Cloudflare” është një infrastrukturë interneti që ofron shërbime për teknologjitë kryesore që fuqizojnë përvojat e sotme online.
Kjo përfshin mjete që mbrojnë faqet e internetit nga sulmet kibernetike dhe sigurojnë që ato të qëndrojnë online mes trafikut të rënduar, për shembull.
“Cloudflare është në dijeni dhe po heton problemin që potencialisht ndikon në shumë klientë”, tha kompania në një përditësim.
Ky incident vjen pas një ndërprerjeje të shërbimeve që preku “Amazon Web Services” muajin e kaluar, ku më shumë se 1,000 faqe interneti dhe aplikacione u shkëputën nga lidhja.
Një tjetër ofrues i madh i shërbimeve të internetit, “Microsoft Azure”, u prek gjithashtu më vonë.
Leave a Reply