Ish-komandanti suprem i Forcave Aleate për Evropën, Ueslej Klark, po vazhdon ditën e dytë të dëshmisë në Gjykatën Speciale. Ish-komandanti suprem i Forcave Aleate për Evropën, Ueslej Klark, ka folur për përfundimin e luftës në Kosovës, me ç’rast ka përmendur edhe rolin negativ të Rusisë e cila kishte qëllim që të diskredonte operacionin e NATO-s në Kosovë.
“Isha i shqetësuar se mos Serbia po kthehej dhe kuptoni që ishte përgjegjësi e imja. Kur përfundoi ky konflikt përfundoi me orvatjen e Rusisë për të diskredituar dhe për të shkatërruar operacionin e NATO-s”, tha gjenerali amerikan.
Gjeneral Klark tha se ishte pjesë e përgjegjësive të tij si gjeneral që të merrte të gjitha përgjegjësit dhe të bënte të gjitha planifikimet e nevojshme në mënyrë të tillë që të sigurohej që Serbia nuk do të kthehej më në Kosovë.
“Për komandën e NATO-s ishte që ne do bënim çdo gjë që ishte e mundur që t’ia dilnim mbanë me operacionin tonë, që në fillim fare unë kam zbatuar ato zgjidhje që i kam nxjerr nga përvoja ime në Vietnam nga përvoja ime ushtarake nga Haiti nga operacionet në Bosnjë”, tha ai.
Gjenerali Klark tha se gjatë viteve të luftës në Kosovë, ishte i përgatitur për çdo sulm që forcat e regjimit serb mund të bënin ndaj popullit kosovar.
“Ne do të bënim çfarëdo që mundnim, për të arritur misionin tonë”, tha Clark. Pos tjerash, ai tha se në Kosovë, nuk kishte marrëveshje paqeje deri në shtator të vitit 1999, madje siç thotë Klark, një situatë e ngjashme vazhdoi deri në shpalljen e Pavarësisë së vendit në 2008-ën.
“Përgjegjësia ime ishte që ato forcat serbe të mos vinin më në Kosovë. Unë duhej të kisha një plan”, tha gjenerali amerikan. Klark gjatë dëshmisë, thotë se Sllodoban Millosheviq ishte një personazh dinak, por që sipas tij, Serbia nuk do të kthehej në Kosovë pas përfundimit të luftës.
Leave a Reply