Shtetet e Bashkuara po punojnë, në mënyrë jopublike, mbi një plan me 28 pika për të arritur paqen mes Rusisë dhe Ukrainës, pas 45 muajve luftimesh, mijërash viktimash dhe shkatërrimeve masive.
Sipas raportimeve të medias amerikane, plani do të synojë të garantojë 4 kolona kryesore: Armëpushimin dhe paqen në Ukrainë, garancitë e sigurisë për Kievin, garancitë e sigurisë për Evropën dhe marrëdhëniet e ardhshme të SHBA-së me Rusinë dhe Ukrainën.
I negociuar nga Steve Uitkof, i dërguari i posaçëm i Presidentit Trump, plani u është prezantuar të besuarve të presidentëve Putin dhe Zelenski, gjatë vizitave të tyre në javët dhe ditët e fundit në Majami. Elementë të planit mësohet se u janë bërë me dije edhe disa liderëve evropianë.
Strategjia për Ukrainën duket se do të jetë e ngjashme në linjat kryesore me planin e paqes për Gazën, ku vetë Uitkof, një sipërmarrës dhe mik personal i Donald J. Trump, kishte rol themeltar në bindjen e palëve në konflikt.
Leave a Reply