Ministri kroat për Punët e Jashtme dhe Çështjet Evropiane, Gordan Gërlic-Radman ka deklaruar se Kroacia mbështet ambicien e Shqipërisë për të qenë pjesë e Bashkimit Evropian (BE). Ministrja për Evropën dhe Punët e Jashtme të Shqipërisë, Elisa Spiropali është takuar në Zagreb me homologun kroat, në kuadër të vizitës së saj zyrtare në Kroaci.
Në një njoftim nga Ministria për Evropën dhe Punët e Jashtme e Shqipërisë thuhet se në deklaratën e saj të përbashkët pas takimit, Spiropali ka theksuar se bisedimet sot me homologun kroat ishin thelbësore, dinamike dhe të orientuara drejt së ardhmes.
“Bashkarisht u dakorduam të intensifikojmë bashkëpunimin në të gjitha fushat strategjike, përfshirë: Përgatitjen e mbledhjes së parë ndërqeveritare (G2G), mundësisht në vitin 2026, një moment historik që e ngre bashkëpunimin tonë në një dimension të ri institucional; thellimin e bashkëpunimit të shkëlqyer në fushën e integrimit evropian, ku përvoja e Kroacisë mbetet e pazëvendësueshme dhe bashkëpunim më të ngushtë në sektorin e energjisë, ku Shqipëria dhe Kroacia ndajnë të njëjtat objektiva strategjike: si diversifikim, ndërlidhje dhe siguri afatgjatë”, ka deklaruar Spiropali.
Ajo tha se u dakorduan të përshpejtojmë bashkëpunimin për prioritetet kryesore të konektivitetit, përfshirë Autostradën Adriatiko–Joniane (Korridori Blu) dhe shqyrtimin, e një plani të ardhshëm, të potencialit të Gazsjellësit Adriatiko–Jonian (IAP).
Leave a Reply