Papa Leoni XIV nisi sot turin drejt Ankarasë, Stambollit dhe Bejrutitit. Papa, gjatë rrugës për në Ankara, në udhëtimin e tij të parë ndërkombëtar, i dërgoi një telegram përshëndetjeje presidentit të Republikës, Sergio Mattarella.
“Ndërsa përgatitem të ndërmarr udhëtimin tim apostolik në Turqi dhe Liban për të takuar këta popuj, veçanërisht vëllezërit dhe motrat në besim, që hapin rrugë paqeje dhe vëllazërie, kam kënaqësinë t’ju përcjell juve, zoti president dhe kombit italian, përshëndetjen time të përzemërt, të cilën e shoqëroj me urime të zjarrta për përparimin shpirtëror, civil dhe shoqëror të Italisë së dashur”, shkruan Papa.
Ndërkohë, në një intervistë për agjencinë greke të lajmeve, ANA, ai tha se “disa ditë më parë, Kisha Katolike publikoi një letër apostolike, e cila flet pikërisht për rëndësinë e unitetit të të krishterëve, i cili mund të jetë edhe burim paqeje për të gjithë botën”.
Ati i Shenjtë i katolikëve beson se hapa të rinj substancialë mund dhe duhet të ndërmerren drejt unitetit të plotë të të krishterëve.
Leave a Reply