Droni i parë luftarak i Turqisë “Bayraktar Kizilelma” është bërë mjeti i parë fluturues pa pilot që kryen me sukses një sulm me raketë ajër-ajër me rreze të gjatë, ndaj një objektivi ajror të motorizuar me reaktor. Kjo u realizua gjatë një testi pranë bregut të Sinopit, në Detin e Zi.
Kompania turke e mbrojtjes #Baykar njoftoi se #Kizilelma lëshoi raketën e zhvilluar në vend #Gokdogan, duke e goditur objektivin fluturues me shpejtësi të lartë me saktësi absolute.
Raketa u lëshua nga nënkrahët e dronit luftarak, pasi objektivi u zbulua dhe u ndoq përmes radarit “AESA MURAD” të kompanisë #Aselsan.
Ky është rasti i parë në historinë e aviacionit turk që një aeroplan vendas lëshon një raketë ajër-ajër të prodhuar gjithashtu në #Turqi, e drejtuar nga një radar kombëtar, ndaj një objektivi ajror.
Leave a Reply