Presidenti ukrainas, Volodimir Zelenski, zhvilloi një bisedë telefonike me aleatët evropianë gjatë një vizite në Paris të për të diskutuar përpjekjet e udhëhequra nga SHBA-ja për të përfunduar luftën të nisur nga Rusia.
Sipas zyrës së presidentit francez Emanuel Makron, përveç liderëve evropianë, duke përfshirë kancelarin gjerman, Friedrich Merz dhe kryeministrin britanik, Keir Starmer, bisedimet përfshinin gjithashtu të dërguarin e veçantë të SHBA-së, Steve Witkoff, i cili pritet të udhëtojë nesër në Moskë, si dhe negociatorin kryesor ukrainas, Rustem Umerov.
Në bisedë morën pjesë gjithashtu presidentja e Komisionit Evropian, Ursula von der Leyen, dhe sekretari i Përgjithshëm i NATO-s, Mark Rutte.
“Paqja duhet të bëhet vërtet e qëndrueshme”, shkroi Zelenski në X pas takimit me Makron në Paris, i cili, sipas tij, u përqendrua në negociatat e paqes dhe garancitë e sigurisë.
“Lufta duhet të përfundojë sa më shpejt. Shumë gjëra tani varen nga përfshirja e çdo lideri”, tha ai.
Leave a Reply