Abuzimi me fondet, policia belge ndalon Federika Mogerinin

Policia belge ka ndaluar Federika Mogerinin, rektore e Kolegjit të Evropës dhe ish-drejtuese e Politikës së Jashtme të Bashkimit Evropian.

Prokuroria Evropiane (EPPO) ka kryer kontrolle në Kolegjin e Evropës në Bryzh (Belgjikë) dhe në Shërbimin Evropian për Veprim të Jashtëm (SEAE) të BE-së në Bruksel, në kuadër të një hetimi për mashtrim të dyshuar lidhur me programet e trajnimit të financuara nga BE-ja për diplomatët e rinj.

Tre të dyshuar janë arrestuar, ka bërë të ditur vetë Prokuroria Evropiane në një njoftim zyrtar.