Në një deklaratë të përbashkët pas takimit ministror të vendeve nënshkruese të Kartës SHBA-Adriatik (A-5) në Sarajevë, u theksua angazhimi për integrimin e plotë të Ballkanit Perëndimor në Bashkimin Evropian dhe komunitetin euro-atlantik dhe për forcimin e bashkëpunimit politik dhe ushtarak, me qëllim forcimin e sigurisë dhe stabilitetit rajonal..
Ministri i Mbrojtjes i Bosnjë e Hercegovinës, Zukan Helez kryesoi takimin ministror të vendeve nënshkruese të Kartës SHBA-Adriatik (A-5), i cili u mbajt në Sarajevë dje dhe sot me temë forcimin e rezistencës së vendeve të rajonit ndaj kërcënimeve moderne të sigurisë.
Në takimin joformal të formatit të ashtuquajtur Gymnich, morën pjesë delegacione të nivelit të lartë nga Shqipëria, Mali i Zi, Kroacia, Maqedonia e Veriut, SHBA-ja dhe Bosnjë e Hercegovina si dhe përfaqësues të vendeve vëzhguese, Sllovenia, Serbia dhe Kosova.
“Për herë të parë, vëzhguesit ishin të pranishëm, që do të thotë pesë shtete anëtare plus një përfaqëues amerikan dhe tre vëzhgues, përkatësisht Kosova, Serbia dhe Sllovenia.
“Shpreh kënaqësinë time që për herë të parë që sollëm Kosovën dhe Serbinë në të njëjtën tryezë dhe që ata morën pjesë në mënyrë të barabartë si vëzhgues”, tha Helez duke shtuar se temat ishin sfidat e sigurisë dhe e ardhmja e A-5.
Pjesëmarrësit e rangut të lartë në takim, përveç Helezit, ishin ministri i Mbrojtjes i Shqipërisë, Pirro Vengu dhe ministri i Mbrojtjes i Kosovës, Ejup Maqedonci si dhe ndihmëssekretari i Shtetit për Politikën Evropiane dhe të NATO-s, Alton Buland.
Pjesëmarrësit në takimin dyditor diskutuan për masat dhe aktivitetet që ata zbatojnë në nivel kombëtar dhe rajonal me qëllim forcimin e rezistencës ndaj sfidave bashkëkohore. Hapat e ardhshëm në kuadër të nismës A-5 u formalizuan në një deklaratë të përbashkët që u nënshkrua në fund të takimit.
Leave a Reply