Asnjë progres në bisedimet Rusi-SHBA për marrëveshjen e paqes në Ukrainë

Bisedimet Rusi-SHBA për paqen në Ukrainë kanë përfunduar pa ndonjë progres në marrëveshjen e mundshme të paqes në Ukrainë, sipas CNN.

Pas pesë orë bisedimesh, këshilltari i presidentit rus Putin, Yuri Ushakov njoftoi se nuk ishte arritur asnjë kompromis me Shtetet e Bashkuara të Amerikës për një nga çështjet kryesore të negociatave, lëshimi i territoreve nga Kievi.

Sipas Kremlinit diskutimet ishin të dobishme dhe konstruktive, por Rusia ra dakord vetëm për një pjesë të planit amerikan.

“Ndërsa disa çështje kritikohen dhe për këtë arsye ka ende shumë punë për t’u bërë. Negociatat do të vazhdojnë me Witkoff dhe Kushner”, shtoi Ushakov.

Putin e kishte bërë të qartë qëndrimin e tij përpara takimit me të dërguarin  e Trump, duke deklaruar se Rusia i konsideronte të papranueshme propozimet evropiane për ndryshime në planin e paqes të presidentit amerikan, Donald Trump.

Sipas tij ato kanë vetëm një qëllim: të bllokojnë të gjithë procesin e paqes të ndjekur nga presidenti amerikan.

“Nëse Evropa dëshiron luftë, ne jemi gati”, theksoi Putin, duke sulmuar gjithashtu autoritetet e Kievit – të cilat sipas tij duket se jetojnë në një planet tjetër”, duke refuzuar të pranojnë situatën e pafavorshme në fushën e betejës.

Ndërkohë, presidenti ukrainas Volodymyr Zelensky pranoi se disa nga aleatët e Kievit ishin të lodhur dhe kishte frikë se Uashingtoni mund të humbiste interesin në negociata.

“Qëllimi i Rusisë është që Amerika të humbasë interesin në këtë situatë”, deklaroi udhëheqësi ukrainas.