Kryeministri izraelit, Benjamin Netanjahu dhe ish-kryeministri britanik, Toni Bler, kanë zhvilluar një takim sekret për të diskutuar zbatimin e fazave të planit të paqes për Gazën. Sipas raportimeve të shtypit izraelit, Netanjahu dhe Bler, një figurë e shumëdiskutuar për zbatimin e planit të paqes së presidentit amerikan Trump në Gaza, janë fokusuar te mënyra e qeverisjes së enklavës.
Ish-kryeministri britanik mësohet se ka zhvilluar gjithashtu takime edhe me vendet arabe, krahas bisedimeve me presidentin e Autoritetit Palestinez, Mahmud Abaz, Pikërisht mënyra e angazhimit të Autoritetit Palestinez në qeverisjen e ardhshme të Gazës, pas dorëzimit të armëve nga Hamas, mbetet ndër pikat kryesore të diskutimeve për zbatimin e fazës së dytë të planit të Trump.
Toni Bler është pjesë e atij që cilësohet si Këshilli apo Bordi i Paqes, të udhëhequr nga presidenti amerikan, Donald Trump, ndonëse emrat e tij mbetet ende të zyrtarizohen.
Leave a Reply