Kryeministrja italiane ,Xhorxhia Meloni, foli në telefon me presidentin ukrainas, Volodimir Zelenski, duke thënë se vendi i saj do të dërgojë furnizime emergjente në Ukrainë për të forcuar infrastrukturën energjetike. Premtimi erdhi pak para udhëtimeve të planifikuara të Zelenski-t në Londër, Bruksel dhe Romë gjatë ditëve në vijim, për bisedime me liderët evropianë rreth procesit të paqes me Rusinë, tha zyra e saj në një deklaratë.
Meloni shprehu solidaritet me Ukrainën pas sulmeve të fundit ruse, thuhet në deklaratë.
Kompani italiane do të dërgojnë gjeneratorë në Ukrainë në javët e ardhshme “për të mbështetur infrastrukturën energjetike dhe popullsinë”, thuhet në deklaratë.
Meloni gjithashtu shprehu mbështetjen e saj për përpjekjet aktuale diplomatike dhe angazhimin e ShBA-së për të përcaktuar një rrugë drejt një “paqes së drejtë dhe të qëndrueshme”.
Gatishmëria e Ukrainës për të marrë pjesë në negociata me mirëbesim mbetet “vendimtare për këtë proces”, thuhet në deklaratë, ndërsa shprehej shpresa që Moska të tregojë “një hapje të ngjashme”.
Leave a Reply