Rama: Gjyqtarët kërkojnë rritje page nga 1600 deri në 3100 euro

Kryeministri Edi Rama komentoi sot kërkesën e gjyqtarëve për ta rritur pagën me 1600 euro mbi aktualen.

Në një reagim në rrjetet sociale, Rama sqaroi se në fakt se kjo është kërkesa e magjistratëve dhe këshilltarëve të zakonshëm.

Ndërsa ata të GJKKO-së dhe SPAK-ut, sipas kryeministrit kërkojnë rritje rroge me 3100 euro, për të marrë si përfundim paga prej 9230 eurosh në muaj.

“Mes rritjekërkuesve janë edhe specialët, pra ata të GJKKO dhe SPAK-ut, të cilët kanë pagat më të larta në Republikë, por kërkojnë edhe një rritje prej 3100 Eurosh! Po, asnjë shaka, detin ku aktualisht marrin 6130 Euro në muaj, tani duan që t’ua kthejë në kos Gjykata Kushtetuese me 3100 Euro plus, e si përfundim të marrin 9230 Euro në muaj”, u shpreh Rama.