Këshilli i Lartë i Prokurorisë (KLP) do të zgjedhë nesër (11 dhjetor) drejtuesin e ri të Prokurorisë së Posaçme kundër Korrupsionit dhe Krimit të Organizuar.
Drejtuesit aktual, Altin Dumani, i mbaron mandati trevjeçar më 16 dhjetor. Në garë për drejtimin e SPAK-ut janë Klodian Braho, Doloreza Musabelliu, Adnan Xholi dhe Elvin Gokaj.
Procesi i zgjedhjes së kreut të ri të SPAK pritet të nisë në orën 09:00. Fillimisht do të zhvillohen intervistat me kandidatët (sipas rendit alfabetik) për pozicionin e Drejtuesit të Prokurorisë së Posaçme kundër Korrupsionit dhe Krimit të Organizuar. Më pas do të zgjidhet drejtuesi, i cili miratohet edhe me një votë më shumë mes kandidatëve, pra nuk ka votim të cilësuar.
Mbledhja do të organizohet në prani të përfaqësuesve nga Prokurori i Përgjithshëm, Ministria e Drejtësisë, Projekti Eu4Justice dhe Programi OPDAT. Sipas KLP-së të pranishëm do të jenë edhe përfaqësues nga ambasadat e SHBA dhe BE.
Leave a Reply