Shërbimi i zbulimit të jashtëm izraelit, Mossad, raportohet se ka paralajmëruar për një valë të pritshme sulmesh terroriste kundër objektivave hebreje, pas sulmit vdekjeprurës në Sidnej. Ka shqetësime për sulme të mëtejshme ndaj objektivave hebreje në mbarë botën.
Televizioni izraelit “News 13” raportoi sot se Mossad po paralajmëron për një “rritje të paprecedentë të aleancave për kryerjen e sulmeve terroriste kundër hebrenjve jashtë vendit nga iranianë dhe palestinezë”.
Një zëdhënëse e kryeministrit izraelit Benjamin Netanyahu tha se nuk mund të ndajë informacione të shërbimit të zbulimit.
Sipas raportimit, shefi i Mossadit, David Barnea, ua ka përcjellë paralajmërimet homologëve të tij në disa vende evropiane dhe në vende të tjera të botës.
Në këto paralajmërime, ai ka vënë në dukje përgatitje në rritje nga ana e Iranit për sulme hakmarrëse pas luftës mes Izraelit dhe Iranit në qershor, gjatë së cilës u bombarduan edhe objekte bërthamore iraniane.
Leave a Reply