Kryeministri izraelit, Benjamin Netanjahu, deklaroi se kërkon nga qeveritë perëndimore të luftojnë me vendosmëri antisemitizmin dhe të garantojnë sigurinë e komuniteteve hebraike në mbarë botën, dy ditë pas atentatit në Sidnej.
”Unë kërkoj nga qeveritë perëndimore të bëjnë atë që është e nevojshme për të luftuar antisemitizmin dhe të sigurojnë mbrojtjen dhe sigurinë e nevojshme për komunitetet hebraike në mbarë botën”, tha Netanjahu në një mesazh të shkurtër video në hebraisht.
”Ata do të bënin mirë t’u kushtonin vëmendje paralajmërimeve tona. Kërkoj që të veprojnë, tani”, shtoi ai.
Një baba dhe djali i tij hapën zjarr të dielën ndaj një turme të mbledhur në plazhin Bondi në Sidnej për festën hebraike të Hanukkës, duke shkaktuar të paktën 15 të vdekur dhe 42 të plagosur.
Autoritetet australiane e cilësuan sulmin si antisemit dhe terrorist duke deklaruar se ai synonte të përhapte panik mes hebrenjve të vendit dhe se autorët ishin me gjasë të motivuar ideologjikisht nga grupi xhihadist Shteti Islamik.
Leave a Reply