Forca Tokësore, pjesë e Forcave të Armatosura të Shqipërisë, do të ketë nga sot një drejtues të ri, gjeneralmajor Petrit Çunin.
“Ndërrimi i komandës në Forcën Tokësore nuk është thjesht një akt formal, por shprehje e vazhdimësisë së misionit dhe e faktit se përgjegjësia për mbrojtjen e Republikës nuk ndërpritet, por kalon nga një dorë e sprovuar te një tjetër”, tha shefi i ushtrisë shqiptare, gjeneral-lejtnant, Arben Kingji. Për shefin e Shtabit të Përgjithshëm, çdo komandant ndërton mbi punën e paraardhësit, me synimin që Forca Tokësore të jetë çdo ditë më e gatshme, më profesionale dhe më e besueshme për sigurinë e vendit dhe për angazhimet tona në NATO.
“Mirënjohje gjeneralmajor Ilir Xhebexhia për shërbimin dhe kontributin, dhe suksese gjeneralmajor Petrit Çuni në drejtimin e këtij misioni që nuk ndalet”, tha Kingji.
Leave a Reply