Shefi i Shtabit të Përgjithshëm të Forcave të Armatosura të Shqipërisë, gjeneral-lejtnant Arben Kingji, vizitoi Kosovën për t’u takuar me komandantin e Forcës së Sigurisë së Kosovës, gjenerallejtënant Bashkim Jashari. Të dy gjeneralët diskutuan mbi zhvillimet aktuale në fushën e sigurisë, si dhe progresin e bashkëpunimit dypalësh ushtarak.
“Në këtë kuadër, shpreha vlerësimin tim për Gjenerallejtënant Jasharin për lidershipin dhe gatishmërinë e treguar në rritjen e bashkëpunimit dhe aktiviteteve të përbashkëta ushtarake. Riafirmova mbështetjen dhe përkushtimin e palëkundur të Forcave të Armatosura për forcimin e kapaciteteve operacionale, për ruajtjen e sigurisë dhe stabilitetit, dhe për përmbushjen e detyrimeve dhe përgjegjësive tona të përbashkëta në rajon”, bëri të ditur shefi i ushtrisë së Shqipërisë.
Leave a Reply