Presidenti i Venezuelës, Nikolas Maduro, tha se është i gatshëm të diskutojë një marrëveshje me Shtetet e Bashkuara, pas muajsh të tërë presioni diplomatik dhe ushtarak nga administrata e presidentit Trump, synuar lidhjet e qeverisë venezueliane me kartelet e drogës. Maduro tha, në një intervistë televizive, se është gati të negociojë seriozisht për një marrëveshje mbi trafikantët e drogës.
“Nëse SHBA dëshiron një marrëveshje për të luftuar kundër trafikut të drogës, ne jemi gati”, tha Maduro. Sipas tij, nëse SHBA dëshiron të flasë për naftën, Venezuela është gati.
Maduro tha se Shtetet e Bashkuara dëshirojnë një ndryshim regjimi në Venezuelë dhe akses te rezervat e naftës dhe për këtë po imponohen me kërcënime, frikësim dhe forcë.
Leave a Reply