Përfaqësues të Rusisë dhe Shteteve të Bashkuara të Amerikës kanë diskutuar marrëdhëniet dypalëshe dhe vendosjen e paqes në Ukrainë, në kuadër të Forumit Ekonomik Botëror në Davos.
Në takim ishin të pranishëm i dërguari i posaçëm i SHBA-së , Steve Witkoff, dhëndri i presidentit amerikan Donald Trump, Jared Kushner si dhe negociatori rus Kirill Dmitriev.
Nuk u bënë publike rezultate konkrete, por Witkoff tha se “kishin pasur një takim shumë pozitiv”.
Ai nuk dha komente të tjera.
Presidenti Trump synon t’i japë fund luftës në Ukrainë, e cila ka zgjatur pothuajse katër vjet.
Deri tani, të dërguarit e tij kanë zhvilluar kryesisht bisedime me palën ukrainase, ndërsa vendet evropiane kanë marrë pjesë në disa raunde negociatash.
Leave a Reply