Presidenti rus Vladimir Putin është i hapur për të takuar presidentin ukrainas Volodimir Zelenski për të diskutuar rreth luftës në Ukrainë, tha sot këshilltari për politikën e jashtme i Kremlinit, Yuri Ushakov. “Rusia kurrë nuk e ka përjashtuar një takim të tillë”, tha Ushakov për televizionin shtetëror.
“Nëse Zelenski është vërtet i gatshëm për bisedime, ai mund të vijë në Moskë”, shtoi Ushakov, duke theksuar se Putin e ka thënë këtë disa herë më parë.
“Një takim i tillë duhet të përgatitet mirë dhe të fokusohet te rezultatet”, nënvizoi ai. ”Rusia do të garantojë sigurinë e presidentit ukrainas”, shtoi Ushakov.
Megjithatë, Ukraina e konsideron të papranueshëm një udhëtim të Zelenskyt në Moskë për arsye sigurie.
Ministri ukrainas i Jashtëm, Andrii Sybiha, kishte deklaruar më parë se Zelensky është i gatshëm të negociojë çështje të ndjeshme drejtpërdrejt me Putin, si pjesë e përpjekjeve për të ndalur luftën e Rusisë.
“Çështjet më të ndjeshme në kërkimin e një marrëveshjeje paqeje ende nuk janë zgjidhur,” tha Sybiha në një intervistë për portalin ukrainas “European Pravda”.
Leave a Reply