Prezenca e OSBE-së në Shqipëri njoftoi se “mirëpret ndryshimet e fundit në Kodin Penal lidhur me shpifjen, si një hap të parë të rëndësishëm drejt forcimit të lirisë së shprehjes”.
Përmes një njoftimi për mediet, prezenca e OSBE-së nënvizon se “forcimi i mbrojtjes për gazetarët pasqyron një rekomandim të hershëm të OSBE-së”.
Prezenca e OSBE-së theksoi se “ne vijojmë të inkurajojmë dekriminalizimin e plotë të shpifjes dhe përdorimin e masave civile proporcionale”.
Kuvendi miratoi me 85 vota pro, ndryshimet në Kodin Penal.
Ndryshimet në Kodin Penal forcojnë mbrojtjen e gazetarëve dhe lirinë e medias, duke përjashtuar përgjegjësinë penale për gazetarët që veprojnë me mirëbesim dhe në interes publik, ndërsa ashpërson ndëshkimet për dhunën dhe kërcënimet ndaj tyre.
Leave a Reply