Ministri turk i Punëve të Jashtme, Hakan Fidan, dhe homologu i tij iranian, Abbas Araghchi, në një bisedë telefonike kanë diskutuar zhvillimet e fundit rajonale. Sipas burimeve të ministrisë turke, biseda telefonike adresoi përpjekjet për t’i reduktuar tensionet në dritën e zhvillimeve të fundit.
Më herët, Fidan ka paralajmëruar se një sulm i ShBA-së ndaj Iranit do të ishte i “gabuar”, si dhe kërkoi nga Uashingtoni dhe Teherani të zgjidhin mosmarrëveshjet përmes diplomacisë.
Presidenti i SHBA-së, Donald Trump, i bëri thirrje Iranit të bëjë një marrëveshje për programin e tij bërthamor ose në të kundërtën “sulmi i ardhshëm do të ishte shumë më i keq”.
Në qershor të vitit 2025, ShBA-ja goditi tre pika bërthamore iraniane gjatë luftës 12-ditore midis Iranit dhe Izraelit.
Leave a Reply