Qeveria kubaneze tha se është e përgatitur të zhvillojë bisedime me Shtetet e Bashkuara të Amerikës, ndërsa presidenti amerikan, Donald Trump përpiqet të riformësojë dinamikën e pushtetit në rajon. Presidenti kubanez, Miguel Díaz-Canel tha sot në një konferencë për shtyp në Havana – se dialogu duhej të zhvillohej pa ushtruar presion, pa parakushte dhe në kushte të barabarta.
Që nga ndërhyrja ushtarake amerikane në Venezuelë, presioni i Uashingtonit është rritur mbi qeverinë autoritare në Kubë, e cila po përjeton krizën e saj më të keqe ekonomike ndër dekada.
Kuba nuk po merr më furnizime me naftë nga aleati i saj i Amerikës së Jugut, Venezuela.
Meksika gjithashtu kufizoi furnizimet e saj me naftë pasi Trump kërcënoi me tarifa ndëshkuese kundër vendeve nga të cilat Kuba furnizohet me naftë.
Trump ka thënë ditët e fundit se Uashingtoni tashmë po zhvillon bisedime me Kubën.
Zëvendësministri i Jashtëm i Kubës, Carlos Fernández de Cossio, tha për transmetuesin CNN se deri më tani nuk kishte pasur dialog formal, por vetëm një “shkëmbim mesazhesh” me Uashingtonin.
Leave a Reply