Mbyllet sot vlefshmëria e Traktatit mes Shteteve të Bashkuara dhe Federatës Ruse “Mbi masat për pakësimin e mëtejshëm dhe kufizimin e Armëve Sulmuese Strategjike”, i njohur si Traktati i Ri START, që vendos kufizime për Kremlinin mbi dislokimin e armëve bërthamore ndërkontinentale.
Traktati u firmos nga presidentët #Obama dhe #Medvedev në vitin 2010 në Pragë dhe hyri në fuqi një vit më vonë, pas ratifikimeve përkatëse.
Deri më 5 shkurt 2018, #SHBA dhe #Rusia i kishin plotësuar kufizimet e Traktatit, që vendoste tavanet e dislokimit deri në:
– 700 raketa balistike ndërkontinentale, raketa balistike nga nëndetëset dhe armatim të rëndë për avionët e armëve bërthamore;
– 1500 koka bërthamore për raketat balistike ndërkontinentale, raketat balistike nga nëndetëset dhe avionët bombardues.
– 800 lëshues (shtrate) për raketat balistike ndërkontinentale, raketat balistike nga nëndetëset dhe avionët bombardues.
Leave a Reply