Deputeti i Listës Serbe, Igor Simiç, ka deklaruar se subjekti që ai përfaqëson nuk do ta mbështesë formimin e Qeverisë “Kurti 3”. Simiç ka akuzuar Qeverinë e kaluar për, siç tha, shkelje të të drejtave të popullit serb.
“E shfrytëzoj këtë rast të them se serbët e Listës Serbe nuk kanë asgjë kundër popullit shqiptar, me të cilin kemi jetuar, jetojmë dhe do të jetojmë. Por do të jemi kundër politikave që kanë për synim dëbimin e popullit tonë”, u shpreh ai.
Ai shtoi se ekspozeja e të mandatuarit për kryeministër, Albin Kurti, sipas tij, nuk ka përmendur askund serbët.
Ndërkohë, Simiq ka shprehur pakënaqësi edhe për propozimin e Nenad Rashiqit për ministër të Komuniteteve dhe Kthimit.
“Ai mandatin në Parlament e ka marrë me vota në vende ku me vite nuk ka serbë. Nuk ishin vota serbe. Keni të drejtë ta emëroni ministër, por ta dini se kurrë nuk do të jetë ministër që përfaqëson serbët. Për të gjitha këto që keni bërë, për shkeljet e bëra, Lista Serbe nuk do ta përkrahë formimin e kësaj qeverie”, deklaroi Simiq.
Leave a Reply