Rusia do të përdorë marinën e saj për të mbrojtur anijet e saj tregtare përballë veprimeve të vendeve perëndimore, për të ndaluar tankerët rusë dhe anijet e tjera, tha sot kreu i Bordit Detar të Rusisë, Nikolai Patrushev. “Ne besojmë se, si në çdo kohë, garantuesi më i mirë i sigurisë së tregtisë detare është marina”, tha Patrushev. “Rusia duhej të ishte në gjendje të transportonte naftë, grurë dhe plehra kimike për të mbajtur ekonominë e saj në funksion”, tha ai.
Bashkimi Evropian vendosi sanksione ndaj anijeve cisternë të “flotes hije” të Rusisë pas pushtimit të Ukrainës – me qëllim kufizimin e eksporteve të naftës. Sanksione janë vendosur edhe ndaj anijeve të tjera tregtare.
Patrushev tha se sulmet ndaj anijeve tregtare ruse tregonin se kundërshtarët perëndimorë kishin vendosur të godisnin një nga sektorët më të rëndësishëm të ekonomisë ruse.
“Nëse nuk rezistojmë me vendosmëri, anglezët, francezët dhe madje edhe vendet baltike së shpejti do të jenë aq të guximshme sa të përpiqen të bllokojnë aksesin në det për vendin tonë, të paktën në pellgun e Atlantikut”, paralajmëroi ai.
“Rusia ka nevojë për më shumë anije, për të operuar në mënyrë autonome larg bazave të tyre”, tha ai.
Ndalimi i tankerit “Marinera”, një anije cisternë me naftë që lundronte nën flamurin rus, nga forcat amerikane në Atlantikun e Veriut në janar provokoi kritika të forta në Moskë. Në fund të janarit, autoritetet franceze ndaluan dhe kontrolluan gjithashtu një anije cisternë që vinte nga Rusia në Mesdhe.
Leave a Reply