Ambasada e Shteteve të Bashkuara të Amerikës ndau mesazhin e Presidentit të SHBA-ve, Donald Trump, i cili uroi sot besimtarët myslimanë në të gjithë botën për nisjen e muajit të shenjtë të Ramazanit. Në mesazhin e tij Trump i dërgon urimet e mia më të mira të gjithë besimtarëve myslimanë që festojnë Ramazanin.
“Çdo Ramazan përfaqëson një periudhë të shenjtë të ripërtëritjes shpirtërore, meditimit të thellë dhe mirënjohjes për bekimet e panumërta të Zotit. Kjo kohë e shenjtë për shumë amerikanë thekson rëndësinë e lutjes dhe agjërimit, forcon lidhjet familjare dhe komunitare si dhe përforcon vlerat tona të përbashkëta të dhembshurisë, bamirësisë, mëshirës dhe përulësisë”, thuhet në mesazhin e Trump, të shpërndarë nga ambasada e SHBA-së në Tiranë.
Presidenti amerikan thekson se “e drejta e dhënë nga Zoti për të adhuruar lirisht është një tipar dallues i kombit tonë dhe një shtyllë e prosperitetit dhe fuqisë sonë. Për këtë arsye dhe çdo ditë, administrata ime siguron që të gjithë qytetarët të mund të praktikojnë besimin e tyre, të ndjekin ndërgjegjen e tyre dhe të adhurojnë lirisht – sepse liria e fesë nënkupton lirinë për ta praktikuar fenë tënde me krenari dhe pa frikë nga përndjekja”.
“Në këtë periudhë të vullnetit dhe dëshirës së mirë, ofroj lutjet e mia për lumturi dhe suksese në familje, për unitet dhe paqe në mbarë botën si dhe për begati për vitin që po vjen”, tha Trump.
Leave a Reply