Shtetet e Bashkuara nuk i kanë kërkuar Iranit të heqë dorë nga pasurimi i uraniumit gjatë bisedimeve të zhvilluara të martën në Gjenevë, nën ndërmjetësimin e Omanit, deklaroi shefi i diplomacisë iraniane, Abas Araghchi. “Ne nuk kemi paraqitur asnjë propozim për pezullim dhe pala amerikane nuk ka kërkuar ndalimin e plotë të pasurimit”, tha Araghchi në një intervistë për rrjetin amerikan MSNBC.
Presidenti amerikan Donald Trump është shprehur disa herë në favor të një ndalimi të plotë për Iranin për pasurimin e uraniumit, një kërkesë që Teherani e konsideron vijë të kuqe në çdo negociatë lidhur me programin bërthamor.
Ministri i jashtëm i Iranit deklaroi, një ditë pas një ultimatumi nga Donald Trump, se një draft i marrëveshjes bërthamore do të ishte gati brenda dy ose tre ditësh dhe se vendi i tij do t’ia paraqesë atë Shteteve të Bashkuara.
“Hapi tjetër për mua është të paraqes një propozim për një marrëveshje të mundshme homologëve të mi amerikanë”, thanë për MSNBC i dërguari Steve Witkoff dhe dhëndri i presidentit të SHBA-së Trump, Jared Kushner.
Leave a Reply