Ish-deputeti i Partisë Socialiste Jurgis Çyrbja është liruar ditën e sotme nga qelia. Gjykata e Posaçme e Apelit për Korrupsionin dhe Krimin e Organizuar ka pranuar kërkesën e Jurgis Çyrbjes për shuarjen e masës së sigurimit “arrest në burg”.
Vendimi u mor nga trupi gjykues i përbërë nga gjyqtarët Daniela Shirka, Florjan Kalaja dhe Tereza Merkaj.
Kërkesa e të pandehurit kishte si objekt shuarjen e masës së sigurimit “arrest në burg”, caktuar me vendimin nr. 126, datë 20.10.2024 të Gjykata e Posaçme e Shkallës së Parë për Korrupsionin dhe Krimin e Organizuar dhe verifikuar me vendimin nr. 129, datë 22.10.2024 të Apelit të Posaçëm, me argumentin e përfundimit të dënimit të dhënë me vendimin nr. 68, datë 03.11.2025 të së njëjtës gjykatë të shkallës së parë.
Pas shqyrtimit, Apeli vendosi pranimin e kërkesës së Jurgis Çyrbjas.
Çyrbja u dënua më 3 nëntor 2025 me 3 vjet burg për tregim të sekretit shtetëror dhe përkrahje të autorit të krimit, por me gjykim të shkurtuar vuajti 2 vite.
Ai ka qenë deputet i Kuvendit për dy legjislatura dhe dha dorëheqjen nga mandati në tetor 2024, në kohën kur hetimet e SPAK kishin hyrë në fazën përfundimtare.
Leave a Reply