Mbretëria britanike nën presion, Uilliam mund të marrë fronin

I drobitur nga skandalet e vazhdueshme të familjes dhe sëmundja e vështirë, Çarls III, mbreti i Mbretërisë së Bashkuar të Britanisë së Madhe dhe Irlandës së Veriut, duket se po merr në konsideratë abdikimin nga froni në favor të Princit të Kurorës, Uilliam.

Tashmë 76-vjeçar dhe në vitin e katërt në fron, imazhi i djalit të madh të Mbretëreshës Elizabet II dhe i vetë mbretërisë është goditur, së fundmi, nga skandali #Epstein me përfshirjen dhe arrestimin e Endrju, vëllait të Çarls III.

Ndërkohë princi Uilliam, 44-vjeçar, ka mbledhur prej vitesh një eksperiencë shtetërore e diplomatike, të nevojshme për të shtyrë përpara punët e një mbretërie, që sipas mediave ndërkombëtare, ka nevojë për të imazh të ri. Princi Uilliam dhe princesha Kate gëzojnë një reputacion të mirë brenda mbretërisë dhe shikohen me pozitivitet për ngritjen në fron.