Presidenti rus, Vladimir Putin uroi sot rusët me rastin e Ditës së Mbrojtësit të Atdheut dhe nënvizoi rëndësinë e armëve bërthamore për sigurinë e vendit. “Zhvillimi i triadës bërthamore mbetet një përparësi absolute, pasi garanton sigurinë e Rusisë dhe siguron frenim efektiv strategjik dhe ekuilibrin e forcave në botë”, tha Putin në një videomesazh, me rastin e festës publike në nder të forcave të armatosura.
Putini shtoi se edhe degë të tjera të ushtrisë do të avancoheshin, me qëllim përmirësimin e gatishmërisë së tyre luftarake, lëvizshmërisë dhe aftësisë për të vepruar në të gjitha kushtet, përfshirë edhe ato më të vështirat.
Presidenti rus vlerësoi fushatën ruse në luftën kundër Ukrainës dhe i bëri homazh ushtarëve të rënë. Ai nuk dha shifra për viktimat ushtarake.
“Përfaqësuesit e “të gjithë popujve” të “vendit të gjerë” po mbronin interesat e Rusisë në Ukrainë”, tha ai. Putini urdhëroi pushtimin e plotë të Ukrainës katër vjet më parë, më 24 shkurt 2022.
Presidenti rus shprehu sërish besimin se Rusia do të triumfonte në luftë.
Leave a Reply