Parisi “bllokon” ambasadorin amerikan, krushkun e Trumpit

Ministria franceze për Evropën dhe Punët e Jashtme i ka ndaluar ambasadorit amerikan në #Paris, Charls Kushner (babai i dhëndrrit të presidentit #Trump), të takohet me zyrtarë qeveritarë në Francë.

Sipas raportimeve të medias ndërkombëtare, #Kushner nuk është paraqitur në Ministrinë e Jashtme kur është thirrur, gjë që është cilësuar si thyerje e protokollit diplomatik. Për këtë arsye, Parisi zyrtar ka vendosur bllokimin e takimeve të ambasadorit amerikan me ministrat francezë. Për të kryer detyrën, krushkut të Presidentit të #SHBA-së do t’i duhet të paraqitet në Ministrinë e Jashtme të Francës.

Tensionet mes Parisit dhe Uashingtonit u rritën pas vrasjes së një aktivisti të djathtë francez, 23-vjeçarit Kuentin Derank, nga militantë të majtë dhe komenteve të Ambasadës amerikane në Francë për ngjarjen.