Udhëheqësi suprem iranian, Ali Khamenei, u vra në sulmin izraelito-amerikan të nisur sot në mëngjes ndaj Iranit. Sipas mediave, fotot e trupit të pajetë të Khameneit u janë treguar presidentit amerikan, Donald Trump dhe kryeministrit izraelit, Benjamin Netanjahu.
Lajmi i ekzekutimit të Khameneit u përhap fillimisht nga media izraelite. “Burim izraelit: Khamenei është vrarë”, tha në një flash në Kanalin 12. “Burim izraelit: Ali Khamenei është eliminuar”, tha në raportin e transmetuesit publik KAN.
Ndërkohë, sipas BBC, kryeministri izraelit, Beniamin Netanjahu tha se ka “tregues në rritje” se udhëheqësi suprem i Iranit, ajatollahu Ali Khamenei, është “eliminuar”, pas sulmeve të SHBA-së dhe Izraelit. Sipas CNN, Izraeli ka konfirmuar se udhëheqësi suprem i Iranit u vra në sulmet e së shtunës, sipas dy burimeve izraelite të njohura me çështjen.
Një nga burimet tha se Izraeli kishte siguruar një foto të trupit të pajetë të Khameneit. Burimi i dytë tha se po përgatitet një njoftim zyrtar.
Ndërkohë, zëdhënësi i Ministrisë së Jashtme iraniane tha se presidenti dhe udhëheqësi suprem i Iranit janë “të sigurt dhe shëndoshë e mirë”. Por Khamenei nuk është parë në publik ose në video që kur filluan sulmet.
Leave a Reply