Erdogan, ngushëllime për vdekjen e udhëheqësit suprem të Iranit

Presidenti i Republikës së Turqisë, Rexhep Taip Erdogan, ka shprehur pikëllimin për vdekjen e udhëheqësit suprem të Iranit, Ajatollah Ali Khamenei, si pasojë e sulmeve amerikano-izraelite të kryera të shtunën. “Me trishtim mora lajmin për ndarjen nga jeta të udhëheqësit suprem të Iranit, Ajatollah Ali Khameneit, si pasojë e sulmeve që ndodhën dje”, ka deklaruar Erdogan.

Presidenti turk i ka shprehur ngushëllime familjes Khamenei, duke iu lutur Allahut të Madhëruar që ta mëshirojë, si dhe ka shprehur solidaritet me, siç u shpreh ai, popullin vëlla iranian.

“Në emër të vendit tim dhe të popullit tim, shpreh ngushëllimet e mia”, tha Erdogani. Ai theksoi se Turqia, së bashku me popullin e Iranit, do të vazhdojë pa u lëkundur përpjekjet që të gjithë miqtë dhe vëllezërit në rajon të rikthejnë paqen dhe stabilitetin që meritojnë, që të përfundojë konflikti që po zhvillohet në rajon dhe të rikthehet diplomacia.