Presidenti amerikan Donald Trump, akuzoi Iranin për goditjen ndaj një shkolle vajzash në jug të vendit, sulm që sipas raportimeve ka lënë më shumë se 160 persona të vdekur. Sipas një analize të gazetës “The New York Times”, shkolla u bombardua gjatë sulmeve ajrore amerikane ndaj një objekti ushtarak aty pranë të operuar nga Trupat e Gardës Revolucionare Islamike (IRGC).
Deri tani, mediet ndërkombëtare nuk kanë gjetur prova se ndërtesa e shkollës është përdorur për qëllime ushtarake. Trump u tha gazetarëve në bordin e avionit presidencial “Air Force One” se SHBA-ja nuk ishte përgjegjëse për sulmin.
“Jo, sipas mendimit tim dhe bazuar në atë që kam parë, kjo është bërë nga Irani”, tha ai. “E bëri Irani. Siç e dini, ata janë shumë të pasaktë me municionet e tyre. Nuk kanë fare saktësi”, shtoi Trump
Sekretari amerikan i Mbrojtjes, Pete Hegseth, i cili po udhëtonte së bashku me presidentin Trump, deklaroi se SHBA-ja po e heton incidentin.
Analiza e “The New York Times”, e bazuar në imazhe satelitore, postime në rrjete sociale dhe video të verifikuara, sugjeron se shkolla u godit nga një sulm preciz në të njëjtën kohë me sulmet ndaj bazës detare ngjitur.
Leave a Reply