Trump: Nëse Irani prish rrugët e naftës do të goditet 20 herë më fort

Presidenti amerikan, Donald Trump, ka kërcënuar Iranin me pasoja fatale nëse vazhdon të prishë rrugët e transportit të naftës në Lindjen e Mesme.

Irani pothuajse ka ndaluar lëvizjen e naftës përmes Ngushticës së Hormuzit – një nga rrugët më të rëndësishme tregtare në botë – pas sulmeve SHBA-Izrael 10 ditë më parë.

Në një konferencë për shtyp në Florida Trump tha se ‘’Irani do të goditet me sulme të mëtejshme nëse ndërprerja vazhdon, pasi çmimet e naftës arritën nivelin më të lartë në katër vjet’’.

Duke i dyfishuar këto komente në një postim në Truth Social, Trump tha se ‘’SHBA do ta godisë Iranin “njëzet herë më fort” dhe “do ta bënin praktikisht të pamundur që Irani të rindërtohet ndonjëherë”.