Komisioni Evropian dhe ambasadat e Mbretërisë së Bashkuar, Gjermanisë dhe Holandës në Tiranë deklaruan, lidhur me vendimin për imunitetin e zv/kryeministres Belinda Balluku, se ndjekja penale efektive e korrupsionit, përfshirë edhe në nivelet më të larta mbetet një kërkesë kyçe për përparimin në procesin e integrimit.
Pas vendimit të sotëm të Parlamentit lidhur me imunitetin e deputetes Belinda Balluku, Ambasadat e disa vendeve të BE-së në Shqipëri deklaruan se “Holanda mbështet integrimin e Shqipërisë në Bashkimin Evropian, në përputhje me dëshirën e popullit shqiptar”.
Sipas ambasadave, një kërkesë kyçe për përparim në këtë proces të bazuar në meritë është ndjekja penale efektive e korrupsionit, përfshirë edhe në nivelet më të larta.
“Ne presim qartë që, në raste të tilla, sistemi i drejtësisë të jetë në gjendje të veprojë me shpejtësi dhe pa pengesa. Politika shqiptare mbetet përgjegjëse për të siguruar këtë proces”, thuhet në këto deklaratë.
Leave a Reply