Shtëpia e Bardhë është përpjekur të mohojë fjalët që qarkullojnë në mediat sociale, sipas të cilave presidenti Donald Trump ishte i shtruar në spital në Qendrën Mjekësore Ushtarake Kombëtare ”Walter Reed” në Bethesda. “Nuk ka pasur kurrë një president që ka punuar më shumë për popullin amerikan sesa presidenti Trump. Këtë fundjavë të Pashkëve, ai punoi pa u lodhur në Shtëpinë e Bardhë dhe në Zyrën Ovale. Zoti e bekoftë”, shkroi zëdhënësi i Shtëpisë së Bardhë Steven Cheung në X.
Ndërkohë, një gazetare e njohur e CBS News, Emma Nicholson, ndau një foto në X që tregon një roje të Marinës në hyrje të Krahut Perëndimor, duke treguar se “presidenti po punon brenda”.
Një postim i ngjashëm nga korrespondent i ”Guardian” Hugo Lowell, i cili shkruajti se “Trump ishte në Shtëpinë e Bardhë sot, siç dëshmohet nga prania e një Marine jashtë Krahut Perëndimor. Nuk kishte udhëtime në fushën e tij të golfit në Trump National ose Walter Reed”.
Shëndeti i Trump është një çështje kyçe në mandatin e tij të dytë, pasi ai është ndër banorët më jetëgjatë të Shtëpisë së Bardhë.
Fjalët rreth vizitës së tij te ”Walter Reed” qarkulluan në mediat sociale pasi Shtëpia e Bardhë njoftoi në orën 11:00 se presidenti nuk do të bënte asnjë paraqitje publike për pjesën tjetër të ditës.
Ky ishte një veprim i pazakontë për presidentin, i cili normalisht udhëton në Mar-a-Lago për të luajtur golf në fundjavë.
Vizita e fundit e Trump në spitalin e presidentëve ishte tetorin e kaluar.
Leave a Reply