Negociatat indirekte në Pakistan mes delegacioneve të nivelit të lartë të Shteteve të Bashkuara dhe Iranit e kanë kthyer Islamabadin në qendër të vëmendjes botërore, ndërsa një sistem gjigand sigurie është vënë në lëvizje.
Delegacioni pritës pakistanez do të përbëhet nga kryeministri Shehbaz Sharif, shefi i ushtrisë, marshalli fuqiplotë Asim Munir, ministri i Jashtëm, Ishaq Dar dhe këshilltari për sigurinë kombëtare, Mohamad Asim Malik.
Nga ana e tij, delegacioni amerikan do të përbëhet nga zv/presidenti J.D.Vance, të dërguarit e posaçëm të presidentit Stiv Uitkof e Xhared Kushner dhe komandanti i Komandës Qendrore të Ushtrisë, gjenerali Bred Kuper.
Delegacioni iranian do të përbëhet nga kryetari i Parlamentit, Mohamad Bager Galibaf, ministri i Jashtëm, Abaz Arakçi, zv/ministri i Jashtëm, Majid Takt-Ravançi dhe sekretari i Këshillit Suprem të Sigurisë Kombëtare, Mohamad Bager Zolgadr.
Leave a Reply