Hungaria zhvillon sot zgjedhjet parlamentare, të konsideruara si historike, pasi mund të sjellin largimin nga pushteti të kryeministrit të djathtë, Viktor Orban, i shumëdisktuar për marrëdhëniet e acaruara me Bashkimin Evropian dhe mbështetjen ndaj presidentit rus, Vladimir Putin. Opozita hungareze drejtohet nga Peter Magjar, i cili ka premtuar të zbusë klimën mes Budapestit dhe Brukselit, nëse do të sigurojë largimin pas 16 vitesh të Viktor Orban.
- 8 114 688 qytetarë do të hedhin votat e tyre.
- Sistemi zgjedhor cakton 199 vende në parlament, me 106 në zona zgjedhore me një anëtar të vetëm me sistem zgjedhor me shumicë votash dhe 93 përmes listave kombëtare dhe të pakicave.
- Pragu minimal është vendosur në 5%.
- Qendrat e votimit do të jenë të hapura nga ora 06:00 – 19:00 pastaj do të fillojë nata e gjatë e numërimit, me parashikime dhe rezultate zyrtare që priten gjatë natës.
- Pjesëmarrja pritet të jetë e lartë, pasi në vitin 2022 ajo ishte rreth 70% dhe këtë herë vendi duket i gatshëm të mobilizohet me numra edhe më të lartë.
- Ndër votuesit më të rinj, 181 280 do të votojnë për herë të parë.
- Në përgjithësi, ata nën 30 vjeç numërojnë afërsisht 1,5 milionë ose mbi 12% të elektoratit apo një brez më i ekspozuar ndaj mesazheve të ndryshimit, të cilat mund të jenë vendimtare në betejën Orban-Magyar.
- Votimi larg vendit dhe jashtë vendit do të ketë gjithashtu një ndikim, pasi afërsisht 500 000 votues do të votojnë me postë, ndërsa 90 730 hungarezë që ndodhen përkohësisht jashtë vendit do të hedhin votat e tyre në misionet diplomatike.
- Vota e pakicave përfshin 73 791 persona.
Leave a Reply